Kvankam ĝi estas malgranda urbo, (proksimume 20 000 loĝantoj), Dax (Dakso) laŭdire estas la unua franca terma stacio kun 15 varmobanejoj. Ĝi estis jam fame konata en la antikva tempo ĉar Romianoj malkovris la bonan efikon de la varmaj akvoj.
En la centraj kvartaloj, vidante la diversstilajn konstruaĵojn oni sentas la tradician aktivecon de tiu urbo. Oni diras, ke vizitadas ĝin 50 000 kuracadantoj jare.
Precipe reŭmatuloj kaj flebituloj sekvas terman kuracadon en Dakso. Kaŭzas bonan efikon la minerala akvo riĉa je oligoelementoj kaj mineralaj saloj. Ankaŭ la termaj kotoj tre bone efikas.
La termaj kotoj estas ellaboritaj de municipa laboratorio sub scienca kontrolo. Ili rezultas de ununura farmacia procedo kiu reproduktas la kondiĉojn de natura maturiĝo, aldonante algojn kaj specifajn termajn bakteriojn kiuj iom post iom nature kreskas en la koto, post la regulaj riveraltiĝoj de la rivero Adour (Adur).
( Tiujn teknikajn klarigojn mi legis sur municipa bulteno)
Aucun commentaire:
Enregistrer un commentaire