8 kilometrojn sudokcidente de Palermo staras alia simbola trezoro de la arto araba-normandio. Temas pri la katedralo de Monreale.
Antaŭ eniri la katedralon, ni vizitadis la klostron. Tie mirindan festivalon de arkadoj kaj duoblaj kolonoj oni povas senlace admiri en sufiĉe kvieta etoso.
La stiloj romanika kaj araba kuniĝas tie en la plej perfekta harmonio. La kapiteloj kiuj superas la kolonojn estas nekredeble diversaj. Pro tio ni pasigis pli ol unu horon en tiu klostro sen neniam enui, observante, fotante kaj filmante multajn detalojn.
La kolonoj estas ornamitaj de mozaikoj. Kvadratoj, trianguloj, steloj, vertikalaj linioj, spiraloj aŭ zigzagoj oraj, nigraj kaj ruĝaj, simbolas la diversajn naturajn elementojn: akvo,, fajro, aero kaj tero prezentas aranĝojn ĉiam malsamajn.
Tion mi legis sur mian gvidlibron ! Honeste dirite, mi ne sukcesis vidi nek akvon, nek aeron, nek la aliajn observante tiujn mozaikojn !
Ne gravas ! Ili estas belegaj kaj ni ĝuis agrablajn momentojn.
Ni restadis tiel longe en la klostro, ke elirante ni trovis fermita la katedralon !
Ni elektis restoracion proksime kaj ni atendis la posttagmezan remalfermon de la preĝejo esperante, ke ne buse alvenos samtempe tro da turistoj !!!
Aucun commentaire:
Enregistrer un commentaire