lundi 11 novembre 2013

San Gimignano


     Nur 30 kilometrojn for de Volterra, en la koro de la toskania kamparo kie kreskas vitoj kaj olivarboj, ni tranoktis en kampadejo apud  San Gimignano (San Ĵiminjano). Sur la supro de monteto, la urbeto starigas siajn multajn mezepokajn turojn.

     Tiuj turoj aperigas la prestiĝan ekonomian pasintecon de la eta urbo kiu tiam estis granda teksa centro.

     Onidiras, ke tiuepoke la metiistoj de San Gimignano estis la solaj kiuj sciis flave kolorigi la teksaĵojn per safrano.
     Supozeble la riĉaj fabrikantoj konstruigis la altajn turojn por ŝirmi de la suno kaj de la polvo la multvaloraj ŝtofojn dum la kolorigada tempo.


      Tiucele kaj por havi pli da interna spaco, la ŝtuparoj estis fiksitaj ekstere de la turo.
      El la supro de la urbodoma turo ni ĝuis belegan vidaĵon sur la toskania kamparo kaj, ĝuste sube estas la centra placo de la vilaĝo, la "Piazza della Cisterna" (placo de la puto)

La "cisterno" kaj la ĉirkaŭantaj domoj datumas de la 13a kaj 14a jarcentoj
 
                             
       Jen la "piazza del Duomo" (placo de la katedralo). Tiu katedralo (12a jarcento) havas fasadon restaŭrita dum la 19a jarcento.
     Ene, belegaj freskoj ilustras scenojn de la Malnova Testamento. Ne estis permesata foti en la katedralo.

                                                               Dankon por via atento !
                          
    






Aucun commentaire:

Enregistrer un commentaire