Ni daŭrigu nian vojaĝon en Toskanio kie troviĝas multaj vilaĝoj sur montetaj pintoj kiel la ĉi-supra. Surpapere la sekva etapo estis Grosseto kie esperanta klubo funkcias.
Fakte niaj gastigantoj ne loĝas en tiu urbo. Laŭra B kaj Johano loĝas en kampara vilaĝo kies nomo estas Arcidosso (Arĉidoso), en la koro de multaj montetoj. Tre malnova vilaĝeto meze de tre agrabla medio.
Sub la gvidado de Johano, kiu perfekte konas sian naskiĝlokon kaj la ĉirkaŭaĵojn, ni promenadis en lokoj kaj vilaĝetoj nekonataj de la turistoj. Li malkovrigis al ni aspekton de sia regiono kiun ni ne povis solaj eltrovi.
Post la promenado ĝis la supro de monteto, ni piknikis. Luksan piknikon ni havis pro la granda zorgo de Laŭra. Matene antaŭ la foriro, ŝi preparis "risotto al frutti del mare" (rizoto kun marbestoj). Ŝi kunportis gashejtilon kaj surloke revarmigis la rizon.
Aucun commentaire:
Enregistrer un commentaire